‘Wag maging Asiong Aksaya’ Diokno: Palakasin na lang ang K-12 kaysa buhusan ng pondo para libreng kolehiyo na marami naming nagda-drop-out

Iginiit ni Finance Secretary Benjamin Diokno na mas magiging sulit pa ang pag-pondo sa pagpapalakas ng K-12 program sa halip na magbigay ng libreng edukasyon sa kolehiyo ang gobyerno.

Iginiit ni Finance Secretary Benjamin Diokno na mas magiging sulit pa ang pag-pondo sa pagpapalakas ng K-12 program sa halip na magbigay ng libreng edukasyon sa kolehiyo ang gobyerno.

Diniin ni Diokno ang kahalagahan ng pagrepaso sa programang free tertiary education na nakapaloob sa Universal Access to Quality Tertiary Education Act dahil tila pag-aaksaya lamang ito ng limitadong pondo ng gobyerno.

Sa halip na gawing libre ang tertiary education, mas magiging epektibo ang paggastos ng pondo sa pagpapalakas ng K-12 program o ang tinatawag na basic education na nagsisilbing pundasyon ng isang bata, paliwanag ni Diokno.

“The poor have a better chance of entering college and completing the same if they have a good foundation,” dagdag ni Diokno sa isang pahayag noong Sabado, Setyembre 2.

Umabot sa 36.83 percent ang drop out rate noong School Year 2021-2022, ayon sa datos ng Commission on Higher Education (CHED) na ipinahayag nito sa pagdinig ng kanilang budget sa Kamara para sa susunod na taon.

Naninindigan ang mga kinatawan ng CHED na mainam na programa pa rin ang libreng edukasyon kontra kahirapan, ngunit kinapos na sa paliwanag ang mga ito nang tanungin tungkol sa drop-out rate.

Para kay Diokno, ang mataas na drop-out rate sa programa ang isang patunay na tila “aksaya” lamang ang pag pondo ng gobyerno sa libreng tertiary education.

Kung tutuusin, mas ninanais ng maraming mag-aaral na makakuha ng maayos na trabaho, kaya mas praktikal na pondohan at ayusin ang K-12 program, paliwanag ng kalihim.

“That’s the key— excellent basic education. That should be our focus. The other goal of the K-12 program is to prepare the student for gainful employment or higher education. Many are not interested in going to college; they just want better jobs,” Diokno said.