Trillanes sa pagkambyo ni Duterte na ‘adik’ si PBBM: Malala na amats nito

Naglabas ng resibo si dating Senador Antonio Trillanes IV na tinawag ni ex-President Rodrigo Duterte na “drug addict” umano si Pangulong Ferdinand Marcos Jr.

Naglabas ng resibo si dating Senador Antonio Trillanes IV na tinawag ni ex-President Rodrigo Duterte na “drug addict” umano si Pangulong Ferdinand Marcos Jr.

Hirit ni Trillanes, lumabas daw ang pagiging pathological liar ni Duterte nang bigla nitong bawiin na tinawag niyang adik si Marcos.

“Kahapon the pathological liar in duterte was in full display. Mantakin mo, hindi raw nya sinabi na adik si BBM,” post ni Trillanes sa kanyang X account.

“Malala na amats nito,” patama pa ni Trillanes kay Duterte.

Sa naturang post ay makikita ang video kung saan tahasang sinabi ni Duterte na, “May drug addict tayo na Presidente.”

Ang naturang pahayag ni Digong ay sinabi niya noong Enero sa isang prayer rally sa Davao.

Ngayon ay dine-deny ni Duterte na tinawag niyang ‘drug addict’ si Marcos.

“Wala akong sinabi na ganoon, even if you kill me a thousand times, wala akong sinabing ganoon,” giit ng dating Pangulo.

“Make it ‘taking a drug,’ pero kung sabihin mong ‘addict’, wala akong sinabing ganyan. Patayin ako ni Marcos niyan. Maawa ka naman sa’kin, matanda na ko,” turan pa ni Duterte.