Para matuto bata ng English! Filipino dubbing ng mga palabas, nais ipagbawal

Naghain ng isang panukalang batas si Negros Occidental 3rd District Rep. Jose Francisco Benitez na naglalayong ipagbawal ang Filipino dubbing ng mga pelikula at programang Ingles na pinapalabas sa Pilipinas.

Naghain ng isang panukalang batas si Negros Occidental 3rd District Rep. Jose Francisco Benitez na naglalayong ipagbawal ang Filipino dubbing ng mga pelikula at programang Ingles na pinapalabas sa Pilipinas.

Ani Benitez, inihain niya ang House Bill 9939 upang matulungan ang mga mag-aaral na matuto ng wikang Ingles sa iba pang paraan.

“We must therefore help younger generations acquire English in different settings, and through different media, to enable them to communicate better and explore new horizons, in terms of employment and social interaction,” saad ng mambabatas.

Sa ilalim ng panukala, maglalagay na lamang ng Filipino subtitle imbis na dubbing sa mga programa at pelikulang Ingles. Gayunman, ang mga subtitle sa wikang Ingles ay dapat naroon pa rin sa bawat palabas upang magkaroon ng opsyon ang mga manonood.

Hindi sakop ng batas ang mga palabas na eera mula alas-1:00 ng madaling araw hanggang alas-6:00 ng umaga.