‘Manoy’ gusto gawing National Artist

Isinusulong sa Kamara de Representantes ang pag-gawad ng National Artist Award sa pumanaw na legendary actor na si Eddie Garcia.

Isinusulong sa Kamara de Representantes ang pag-gawad ng National Artist Award sa pumanaw na legendary actor na si Eddie Garcia.

Sa House Resolution 1769 ni ni AGRI party-list Rep. Wilbert Lee, hiniling niya sa National Commission for Culture and the Arts (NCCA) at Cultural Center of the Philippines (CCP) na gawaran ng posthumous award si Garcia.

“Noon pa dapat ito naigawad sa kanya, at hindi na dapat ito pinagdedebatehan pa,” sabi ni Lee na kapwa Bicolano ni Garcia.

Ang pumanaw na aktor ay taga-Sorsogon.

“Institusyon na maituturing si Manoy Eddie sa larangan ng pelikulang Pilipino. Mapa-komedya man, action o drama, serye man sa telebisyon o sa pelikula, bilang aktor at direktor, pambihirang husay, talento, at propesyonalismo ang ipinamalas ni Manoy Eddie,” ani Lee.

“He served as a beacon of Filipino artistry which paved the way for other artists to pursue the arts and craft more stories that could last generations,” dagdag pa nito.

Pumanaw si Garcia noong 2019 matapos magkaroon ng cervical spine injury nang matalisod sa kable sa shooting ng isang teleserye ng GMA 7.

Dahil sa insidente, naisabatas ang “Eddie Garcia Law” na nagbibigay proteksyon sa mga manggagawa ng movie at television industry.