Manny Villar swak sa top bilyonaryo sa buong mundo!

Nangungunang Pinoy si Manny Villar na nakapasok sa World's Billionaire List ng Forbes.

Nangungunang Pinoy si Manny Villar na nakapasok sa World’s Billionaire List ng Forbes.

Base sa listahan, nasa ika-190 na pwesto si Villar na may net worth na $11 billion o abot sa P619 billion para sa taong 2024.

Malaki ang inakyat nito kumpara noong nakaraang taon kung saan nasa ika-232 na pwesto ang kilalang business magnate.

Samantala, si Enrique Razon naman ang ikalawang Pinoy sa listahan na may estimated net worth na $10 billion.

Nasa 224 rank si Razon, na chairman ng International Container Terminal Services, Inc.

Ikatlong Pinoy naman sa listahan si San Miguel Corp. CEO Ramon Ang na may net worth na $3.5 billion, sapat para sa ika-920 na pwesto.

Samantala, nanguna naman si Louis Vuitton CEO Bernard Arnault sa pinakamayamang bilyonaryo sa buong mundo na may estimated $233 billion net worth.

Sumunod sa kanya si Elon Musk na may $195 billion net worth, at Amazon founder Jeff Bezos na may $194 billion.