‘If we hold on, together!’ Alden Richards, may mga inamin kay Tito Boy

Inamin ni Alden Richards na nagka-crush siya kay Miss Universe 2015 Pia Wurtzbach at na-inlove naman sa dating ka-loveteam na si Maine Mendoza.

Walang kiyemeng inamin ng aktor na si Alden Richards sa programang “Fast Talk with Boy Abunda” na naging crush niya dati si Miss Universe 2015 Pia Wurtzbach.

Nitong Lunes, Oktubre 9, sinabi ni Richards na may gusto siya sa magandang binibini ngunit hindi niya ito inamin o sinabi man lang.

“Sa ‘Eat Bulaga,’ best friends sila ni Pauleen Luna, so every now and then, si Pia would go there to say ‘Hi’ to Pauleen,” kwento nang tinaguriang Asia’s Multimedia Star. “Nakikita ko siya na hindi naka-glam, ‘yung puso [niya] mabuti, and then after she won [Miss Universe], parang grabe.”

Sa parehong panayam ay tahasan ring inamin ng actor na na-inlove siya sa dati niyang onscreen partner na si Maine Mendoza, na naging katambal niya sa tinaguriang “AlDub.”